Wéi de Wilhelm Reich huet och den Erich Fromm geduecht, datt d’Psychologie vun den Individuen e wichtege Rôle an de gesellschaftleche Prozesser spillt.  

Mee war och drop aus iwwert den Reich eraus ze weisen, a wéi fern d’Individualpsychologie selwer vun gesellschaftleche Prozesser bestëmmt gëtt. Tëscht Psychologie a Gesellschaft besteet zwar en dialekteschen Prozess, mä an dem Prozess behält dat Gesellschaftlecht de Virrang virun dem Psychologeschen.  

Esou formuléiert de Fromm den autoritäre Charakter als Artikulatioun vun der soziologescher an psychologescher Dimensioun am gesellschaftlechen Sozialisatiounsprozess. An och beim Fromm steet hei d’Famill nach emol am Mëttelpunkt, als Agentur vun der Gesellschaft.

Dem Fromm seng Approche ënnerscheet sech an esou fern och vum Wilhelm Reich senger, dat se net nëmmen méi en vasten a reflektéierten theoreteschen Hannergrond huet. Si sëtzt och op zwou grouss ugeluechten, multidisziplinären empiresch-statisteschen Studien iwwert d’Aarbechter an d’Ugestallten an der spéider Weimarer Republik, an iwwert d’Famill an d’Autoritéit am Ufank vum nationalsozialisteschen Regime.

Op Radio 100,7 liesen a lauschteren … >>>


Episoden:
  1. Autoritär. En Iwwerbléck (7. Dezember 2019)
  2. Di autoritär Massepsychologie (14. Dezember 2019)
  3. Den autoritäre Charakter (21. Dezember 2018)
  4. Eng Bannenusiicht vum autoritären Charakter (04. Januar 2020)
  5. Varianten vun autoritärer Perséinlechkeet (11. Januar 2020)
  6. Di autoritéitsgebonne Perséinlechkeet (18. Januar 2020)
  7. Autoritär haut (25. Januar 2020)